تحديث: اوك معلش انا فعلا كنت عصبيه حقكوا عليا بس عشان نبقى اخر مرة نتكلم فى الموضوع دة انا مش ناقصة بجد حد يأنبنى انا اللى فيا مكفينى وزيادة***************************************************************************
احب اوضح لكل واحد معارض للمدونة دى انه طززززززززززززززز فيه
اى نعم
انا مش هسمع كلام حد واللى مش عاجبه يشرب من البحر
المدونة دى صوت كل بنت اتأذت
اللى شايف ان وجود المدونة دى غلط حاجة من اثنين ملهمش تالت
يا اما مش فاهم حاجة او متحرش بالبنات
واحب اوريكو نوعية التعليقات اللى مش هرد عليها
زى عايش ولكن اللى شايف انى بجاهر بالسوء
اختى العزيزه صحيح انتى مجنى عليكى وهو زئب بشرى زى مابيقولوا والزنب مش زنبك بس ياريت بلاش تجاهرى بالسوء فسيدنا رسول الله قالكل امتى معافى الا المجاهرين ارجو ان تفهمى قصدى تحياتى علاء
اختى العزيزه صحيح انتى مجنى عليكى وهو زئب بشرى زى مابيقولوا والزنب مش زنبك بس ياريت بلاش تجاهرى بالسوء فسيدنا رسول الله قالكل امتى معافى الا المجاهرين ارجو ان تفهمى قصدى تحياتى علاء
حد يقولو يشيل حرف ال(ز) ويحط ال(ذ) يا جماعة
وكمان محمد الكومى
مش عارف اقول ايه اولا انك تحكي او ماتحكيش دي حاجة تخصك طبعا و لو ان انا مش مؤيدها ثانيا بتسالي عن ذنبك واضحة زي الشمس ذنبك انك وقعتي في سكة واحد هيجان و حيوان ايه اللي مشاكي في سكته هو مش من حق الهيجانين يمشوا و يبرطعوا في البلد ولا ايه و كمان لما تيجي في سكته و يغتصبك تقولي ذنبك ايه ويحك يا انثى تحياتي و تعاطفاتي ايضا
استاذ محمد رغم تعاطفك معى الذى اشكرك عليه الا انه اولا لا يحق لك ابداء رأيك فى انى اتكلم او لا وكمان المدونة لا ترحب بالبذاءت مطلقا
ولا اقصد الهجوم عليك حتى الان
هسيبكم انتو تردو
واللى يغلط فيا تاخدولى حقى منه على طول محدش يستاذن منى
ادينى ادتكم تصريح اهو اللى يغلط فى المدونة دى تقطعوه دى مدونتك زى ماهى مدونتى لانها المكان اللى بيجمعنا كلنا سوا
واحب بردة اوضح ان الناس اللى ممكن تسولها نفسها انها تبوظ المدونة بمساعدة اى هاكر مان
المدونة دى في منها مدونتين تانين شغالين بالفعل والبوست اللى بيتكتب هنا بنقلة على المدونتين التانين اللى باسم مختلف تماما وبايميلات مختلفة بردة بالاضافة الى انى عندى نسخة من كل بوست كتبته او هكتبه
وعندى حتى نسخ لاكواد الشات بوكس وعداد الزوار وحتى الساعة اللى فى المدونه
فريحو نفسكو لانى لو مسحتولى مدونة هطلع بغيرها
يعنى ريحوا نفسكو انا موجودة رغم انف المعارضين
واخيرا احب اطلب منكم اكمال تعليقاتكم الكريمه فى البوست بالاسفل
هناك 22 تعليقًا:
بالنسبة لعايش ولكن
اولا الرسول ( ص ) عندما قال الا المجاهرين كان يقصد المجاهرين بالذنب انما طفلة لسة لما تبلغ مبالغ النساء فين الذنب اللي بتجاهر بيه حضرتك انا باحث في المركز المصري لحقوق المرأة وكل شغلنا اننا نخلي الاطفال يتكلمو مع اهاليهم لو حد لمس اي جزء من الاماكن الحساسة عندهم والمشكلة ان الاهالي كمان رافضين الفكرة ومش عايزين يقتنعو ان موضوع التحرش ده موجود في مصر انت متعرفش ان الطفل مش بيكون ليه اي ذنب في موضوع التحرش غير انه مشي من قدام شخص مريض نفسي وشاذ في سلوكه
بالنسبة لمحمد الكومي
كان بيتكلم بصيغة سخرية واضحة جدا في < بتسالي عن ذنبك واضحة زي الشمس ذنبك انك وقعتي في سكة واحد هيجان و حيوان > وبيتكلم بصيغة ضجر من النظام وبرده واضحة في < هو مش من حق الهيجانين يمشوا و يبرطعوا في البلد ولا ايه >
في رأيي أن ما كتبتيه لا يخرج عن حدود العرف العام، وهو تناول مهم لقضية مسكوت عنها تسبب الما هائلا لضحاياها وذويهم، وانا طبيب أمراض ذكورة ألمسها في مرضاي في أحيان كثيرة.
المهم أن نخرج منها بتوعية لنا تقلل من حدوث هذه الجرائم،
______________________
وبعدين انتي زعلتي بسرعة ليه من النقد أو من الاختلاف في وجهات النظر وفقدتي هدوئك؟
يا بنت الحلال
هى المدونات كدة
فية ناس كتير بتدخل تقول كلام مالهوش لازمة
و ناس تانية هتدخل تشتمك
يعنى أنا مثلاً عندى مدونة علمية خالص لا بتتكلم فى السياسة و لا الدين و لا أى حاجة إجتماعية و لا إقتصادية
و مع ذلك فية ناس بتدخل تشتمنى و تسب لى الدين كمان .
لية ؟
لانهم ناس مش متربية ، و متعتهم فى الدنيا أنهم ينكدوا على غيرهم
هتلاقى من دة كتير قوى
اما بالنسبة للى بيعارض كلامك بأدب ، فمفيش مشكلة ، و خليكى ديموقراطية شوية صغيرين ، أنتى بتتكلمى فى موضوع حساس ، و مجتمعنا مش واخد على مناقشة المواضيع دى بحريه ، فعلشان كدة هتلاقى ناس برضة مش موافقاكى فى الرأى ، لكن دة مش هيمنعك من الكلام ، و مش هيمنعك من فضح الكلاب اللى بتعمل كدة
دة أنتى بتتكلمى عن حاجة طبيعية جداً ، لكن أية رأيك بقى أن انا طفل مرة حكالى أن واحد إتحرش بيه فى طابور العيش تقريباً ، أو فى طابور تانى ، مش فاكر ، يعنى شوفى بقى لما يكون واحد ذكر و بيتحرشوا بيه ، يعمل أية ؟ مين عارف يمكن لما يكبر شوية هو كمان ، يعمل مدونة و يفضح البهايم دى
والله اللى واضح للجميع وضوح الشمس ان الموضوع مفيهوش اى حاجه فيها جهر بالسوء واللى شايف فى نفسه انه بيتحرج لما انسانة تحكى مواقف الجميع بيتعرض لها ومش بعيد اخته او مامته تكون فى نفس الوضع يتفضل يعمل حملة بتوعيه الكلاب السعرانة اللى ماليه الشوارع ورايحة جاية تنهش فى عرض البنات ان مش كان بالفعل يبقى بالقول ماهو القول برضه تحرش استمرى ومحدش يقدر يسكتك واللى يفكر يعمل حاجه فى المدونة يبقى ده اعتراف ضمنى منه انه حيووان من ضمن الحيوانات اللى ماليه الشوارع للنهش فى عرض بنات الناس
و لايهمك و كل كلمه انتي قولتيها صح مئه في المئه و اكيد كل النفوس و العقول المحترمه جانبك و هاندافع من غير ما تطلبي لا تقلقي انت صح ح ح ح ح ح ح ح ح ح ح ح ح ح ح ح
اسلوبك صعب جدا
انا مش معترض معاكي في ان مدونتك تبقى او تتشال دي حريتك الشخصيه بس الاهم سيبك من اللي مش عاجبه لو مقتنعه برأيك كملي وسيبك من اي حد
انا اسف لتدخلي
أنا مش شايفة داعي للمعارضة الموضوع كله ممكن يحصل لاي بنات وانتي بتعرضي هذه المعاناة وسلبيات مجتمع ناقص تربية للأسف
وزي مانتي قلتي اي شخص معترض عن كلامه
مالهوش غير معنيان لا ثالث لهما
أنه لا احساس له بالآخرين
أو انه واحد منهم والله أعلم أنا لن أرمي الناس بالباطل
للأسف اننا بقينا نحط راسنا في الرمل زي النعام
دمت بكل الود
استمري
تامر صلاح
افدتنى ويارب تكون افدته
________________________
فليعد للدين مجده
انا بنفس عن نفسى وبعمل توعية وانا لم افقد هدوئى حتى الان ولكن عشان منتناقش فى الموضوع تانى لانى هتجاهل التعليقات دى وهمسحها عشان ابقى واضحة بس
_________________________
احمد حلمى الشناوى
كلامك عاجبنى جدا بس مش هقدر اكون ديمقراطية وسط ناس لا تفهم معناها الحقيقى ولا تفهم عنها غير حقها فى الشتيمة وبعدين انا مش عايزة صداع كفايه حياتى مش هيبقى التدوين كمان
__________________________
قطة الصحراء
ياريت الكل يفهمنى
__________________________
دنيا محيرانى
كلامك بيسندنى
__________________________
وائل
عشان بس تبقى اخر مرة نتكلم فى الموضوع دة عشان انا مش بحب الصداع معلش
__________________________
شهرزاد
انا فعلا مش عارفة معاضة اية وقبول ايه هو انا بعرض امر يحتمل الصح او الخطأ انا بعرض وقائع
___________________________
مش عارف ليه حسيت انك قاسية اوى على الردين دول ... مش معنى ان يكون فى راى معارض انك تهاجميه ... لا وتطلبى من الناس تهاجمه هى كمان
اولا التدوين معمول علشان كل واحد يكتب اللى على مزاجه يعنى محدش بيقولك تكتبى ولا لأ ... الناس دى كانت بتقولك رايها ... يعنى واحد زى عايش ولكن ماعتقدش ان كان ليه قصد غير النصيحة وكان من حقك ماتعمليش بيها لكن مش من حقك تهاجميها
والتانى محمد الكومى واضح جدا انه بيعترض بس باسلوب ساخر ... كوميديا سودا يعنى كان ممكن تحذفى التعليق لو مش عاجبك
مش عارف بس حاسس انك ظلمتى الناس دى
أولاً انتي واخده الموضوع بحساسية وشايفك متحاملة عالناس اللي فوق
البلوجس معمول عشان كل واحد يقول رأيه بدون الحجر على راي حد
ثانيًا معتقدش ان مسح البلوج بالسهولة ده .. خدي راحتك يعني ومتقلقيش من حاجه اسمها هاك .. اللي يقولك هاك على مدونة يبقى بيشتغلك .. ولا الحكومة مش هتعرف تهيك عالمعارضة يعني لو ممكن ؟
ثالثًا وأخيرًا
مبروك المدونة ويا رب يكون هدفها نبيل فعلاً .. صحيح ان لو ده موضوعها هيكون فيها مجموعة فضايح لا با بها بس للاسف واقع .. واللي بيهرب من الواقع يبقى بيخدع نفسه ..
استمري
الدنيا كلها موجوعة من التحرش
مش انتي لوحدك
السلام عليكم
اولا اشكرك لزيارتك الكريمة
ثانيا اتفقت او اختلفت معكِ فإني احييكي جدا على ثقتك بنفسك و قوة شخصيتك الواضحة من البوست و كمان تمسكك برأيك
و احترم هذا جدا
اتمنى دوام المتابعة و التواصل
عدنان
أنا بحييك على الديكتاتورية بتاعت المدونة ..وكله على خطى السيد الرئيس
السلام عليكم
أنا جيت .. أولا إزيك وإيه الاخبار؟؟ إن شاء الله تمام
ثانيا بقى براحة كل حاجة ممكن تتعالج بهدوء
طبعا إنتى عارفة إنى معاكى من أول بوست كتبتيه .. وبصراحة مش شايفه حاجة غلط فى اللى إنتى بتعمليه .. بس أنا مش عايزاكى تتعاملى مع زمايلك المدونين بحدة كده
شوفى يا جميل أنا مش عارفة ليه حاسة يمكن علشان موضوع البلوج بتاعك جديد إنك بتاخدى كل تعليق من منظور النقد .. يعنى مثلا تعليق محمد الكومى مش ضدك خالص بس هو بيقول رأيه بإسلوب ساخر.. عادى كلنا بنعمل كده .. هو معاكى جدا ومع قضيتك
أما عايش ولكن ده مجرد سوء تفاهم أو فهم غلط للحديث .. وأنا لاقيت فيه ناس كتير ردو عليه وصلحوله المعلومة دى
فى الأخر عايزة أقولك بس إن مفيش حد كل الناس بيحبوه وبيحبوا اللى هيعملو .. لازم تلاقى اللى معاكى واللى ضدك .. شئ طبيعى فى الدنيا .. بس بلاش الموقف الجامد ده خليكى مرنة عن كده فى التعامل معاهم يعنى ردى على كل واحد
صدقينى طظ مش الرد المناسب .. وإن كنتى عايزة رد فإحنا كلنا نرد بدالك يا ستى وأديكى شوفتى بنفسك .. بس بلاش تضايقى أوى كده بجد
إنتى يمكن بس علشان لسه جديدة فى التدوين ودى أول مرة ليكى بعد كده هتتعودى
المجنى عليها
بعيدا عما كتب فى التعليقات فأنت على
حق وكلنا معك دائما لأن القضية دى
لو محدش اتكلم فيها هتبقى مرض ومش
كلام وبس المفروض يكون فى تحرك على
مستوى المسئولين والاعلام المقروء والمرئي
ما حكاية التعليقات الى بتسخر منك
ببساطة دبانة وهشيها يعنى شيلها من
التعليقات ( وهل طنين الذباب يضير)
تحياتى
ولك فائق احترامى
وبخصوص القصة انا هنشرها عندى وأكيد هعرف بيكى ومدونتك قبل النشر
تحياتى
حبيبتى
والله انا خايف أتكلم تعملى تعليقى بوست وتبقى سنه ملهاش آخر بس تعرفى هبقى مشهور بقى وممكن أطلع فى طبق اليوم بدل الجرايد اللى خلاص زهقت منها دى
عموما انا هقرأ الموشوع وأحاول أعلق بس متحرمنيش من طلاتك عليا وأحب اشكرك على انك اتكرمتى وزورتينى ..
تحيـاتى
المصـــــــرى
اتكلمي
دة حقك
لامتي هنفضل خايفين من كلام الناس
والناس دول اول ناس هيشهروا بينا لو عرفوا الحقيقة اللي هما نفسهم طلبوا نخفيها
احيييييييييييك على جرئتك
سمراء
اختى الفاضله
المجنى عليها
انا يمكن اكون علقت على البوست من نظرتى المتواضعه للقصه التى زكرتيها
( بالنسبه لحرف الزال انا الحرف ده عندى معلق معليش استحميلنى)
وكان تعليقى من منطلق خوفى عليكى ان كتاباتك فى هزه المدونه تكون ضدك وليس معك
انا كان قصدى ان اللى بتزكريه بيحصل وانا متاكد من كده بس هل المفروض انك تزكريه ع الملأ
هدف مدونتك اعتقد انه واضح وصريح ان كل اب وكل ام يكون بينهموبين اولادهم شىء من الصراحه بحيث ان الابناء يقدروا يقولولهم على كل شىء يحصل ليهم
اعتقد ده ممكن يحصل باى اسلوب تانى غير اننا نعرض اشياء صحيح واقعيه ولكن تخدش حياء بعض الاشخاص
صحيح انتى مبتجبريش حد انه يدخل مدونتك
ودى حريتك الشخصيه
بس انا حبيت اعرض وجهة نظرى فقط لا غير
ويارب بس اكون قدرت اوصل ليكى قصدى بتعليقى اللى فات
ولو كنت ضايقتك انا بعلن اسفى الشديد
وعموما انا لو ردى معجبكيش فى اى بوست تقدرى تحزفيه
اسف لو كونت طولت عليكى
واسف مره تانيه لانى ضايقتك
وانا متابع مدونتك لان المدونات فيها كل شىء وانشأت لتبادل الاراء
وبجد انا مش زعلان من ردك لانه اكيد خرج لحظة انفعال ولانك لسه حديثه على عالم التدوين
تحياتى
علاء
اولا سلام عليكم ورحمة الله وبركاته
ثانيا انتي اي نعم اتعرضتي لمواقف أثرت فيكي وربنا ينتقم من كل اللي ظلمك .
بس بالله عليكي تحاولي تمسكي اعصابك شويه كمان وما تقلقيش يا ستي اي حد بيدخل يقول كلمه مي اللي هيا ما تقلقيش في ناس برضه بتعرف ترد عنك
ومعلش انا ما دخلتش المدونه بتاعك لاني زي مانتي عارفه ثانويه عامه وطالع عيني في المذاكره بس هانت
وان شاء الله هتلاقيني هنا علطول ولا يهمك من اي حد يقول كلمه مش ولا بد
وربنا يصبرك
عزيزتي مجني عليها
اولا خالص تحياتي علي شجاعتك في طرح هذا الموضوع وفتح هذا الصندوق الملئ بالذكريات المؤلمة ولا تظني انك مفردك فلن تتخيلي كم الحكايات التي تشبة حكاياتك التي سمعتها من صديقاتي وقريباتي في لحظات المصارحة ولا تلومي والدتك فكثيرا مايكون مصير من يحكي علقة ساخنة وكأنه خطأة وتسمع ازاي خليتية ولا خليتة يقربلك طب ماصرختش لية مش فاهمة طفل او طفلة هايدفعو عن نفسهم ازاي
يا انت شكلك مخنوق قوي
نصيحة مني خلي اللي يقول يقول واتمسكي انتي بالهدوء
ربنا معاكي ومعانا كلنا
يا جماعه يعنى ايه جهر بالذنب ..يعنى الشخص اللى بيزنى ويجى بين اصدقائه يقول انا زنيت امبارح
اللى بيسرق
اللى بيعمل فاحشه ومخله
اين الذنب اللى ارتكبتيه علشان تجاهرى بيه ..؟
طبعا لا يوجد
اختى انا عارفه ان موقفك حساس وبقولك قولى واكتبى وطلعى كل اللى جواكى
ومتزعليش وميهمكيش احنا هنسمعلك لان نادرا لما حد بيمر باللى مريتى بيه بيتسمعله
لازم نتعلم نتكلم ونقول علشان ده ميحصلش
لازم يتفضحوا
معاكى قلباً وقالباً
يا سيدتى
سامحنا الله
انى أعاتب على الردود التى ذكرتيها ولم يفرقوا بين الجهر بالسوء وبين أمرك
ان ردكم يدل على عدم فهمكم للحديث
وان ردكم ايضا يدل على الرعب ويوحى بالفشل لان هذا يعنى ان كل خطأ نسكت عنه
يا سادة انت لا تجهر بالسوء ان كنت انت من أساء وقد غفل الله عيونَ الناس عنك
ليس ان تكون من أسىء إليه
إنما ما تفعله أختنا حقا
فمجتمعنا مجتمع جاهل
جاهل جاهل
عافاكم الله وحفظكى سيدتى
إرسال تعليق